Қостанай облысы бойынша Мемлекеттік кірістер департаменті тексеру іс-шаралары барысында бөлшек саудада сатуға арналған көлемі 200 литр 7 бөшке және көлемі 5 литр 18 ПЭТ бөтелке мөлшерінде акцизделетін өнім айналымын анықтап, жолын кесті.

 Ведомстводан заңсыз акцизделетін өнімнің жалпы құны 2.7 млн. теңгеден асатынын  хабарлады.

Заңсыз алкоголь өнімі Қостанай қаласының аумағында сатылды.

Осы факті бойынша ҚР ӘҚБтК 463-бабы бойынша әкімшілік материал жасалды, әкімшілік  іс жүргізу  туралы хаттама сотқа жіберілді.

Қазақстан Республикасында енгізілген сәйкестендіру құралдарымен міндетті таңбалау тауарлардың қозғалысын бақылауды автоматтандыруға, сол арқылы олардың сапасы мен қауіпсіздігін растауға, сондай-ақ сатушылар арасында адал бәсекелестікті  қамтамасыз  етуге  мүмкіндік  береді.

Қостанай облысы бойынша Мемлекеттік кірістер департаментінің Баспасөз қызметі