«Қазақстан Республикасының халықаралық шарттары туралы» ҚР Заңына сәйкес - Қазақстан Республикасы шет мемлекетпен (шет мемлекеттермен) немесе халықаралық ұйыммен (халықаралық ұйымдармен) жазбаша нысанда жасасқан және мұндай келісімнің бір құжатта немесе өзара байланысты бірнеше құжаттарда екендігіне қарамастан, сондай-ақ оның нақты атауына қарамастан халықаралық құқықпен реттелетін халықаралық келісім. Осыған байланысты, тұлға, оның ішінде көрсетілген Заңға сәйкес жасалған халықаралық шарттардың негізінде ақша алған шет мемлекеттерден, халықаралық және шетелдік ұйымдардан, шетелдіктерден, азаматтығы жоқ адамдардан ақша және (немесе) өзге де мүліктерді алғандығы туралы есептілікті табыс етуден босатылады.