Қазақстан Республикасы Қаржы министрлігінің Мемлекеттік кірістер комитеті Қазақстан Республикасының Салық кодексінің жекелеген нормаларын іске асыру шеңберінде (2026 жылғы 1 қаңтардан бастап қолданысқа енгізілген) «Электрондық шот-фактуралар» ақпараттық жүйесінде «Қосылған құн салығы (ҚҚС) сомасын есепке жатқызу» бойынша мәліметтерді көрсету функционалы іске асырылғанын еске салады.
Ағымдағы жылдың басынан бастап аталған механизм толық көлемде жұмыс істейді және қолданыстағы салық заңнамасына сәйкес алынған электрондық шот-фактуралар бойынша ҚҚС-ты есепке жатқызу тәртібін реттейді.
Төмендегі техникалық ерекшеліктерге назар аударамыз:
-    есепке ЭШФ-дағы айналым сомасынан аспайтын айналым сомасы қабылданады;
-    бір ЭШФ бойынша жалпы айналым сомасын қайтадан есепке қабылдауға жол берілмейді;
-    «0»-ге тең ҚҚС сомасы есепке қабылданбайды;
-    «расталды» мәртебесіндегі хабарламаны түзету «Сторно» немесе ішінара түзету тетіктерін пайдалану арқылы жаңа хабарлама жасау жолымен жүзеге асырылады.
Техникалық сипаттағы сұрақтар туындаған жағдайда esfsd@kgd.minfin.gov.kz қолдау қызметінің электрондық поштасына (тәулік бойы) немесе 7 (7172) 72-51-61 телефон нөміріне (09:00-ден 21:00-ге дейін) хабарласуға болады.