Мыналар кеден өкілдерінің тізіліміне енгізілген тұлғалардың (бұдан 

әрі – тізілім)  қызметін тоқтата тұру негіздері болып табылады:

1) кеден өкілі ретінде қызметін тоқтата тұру туралы кеден өкілінің жазбаша өтініші;

2) кеден органы «Қазақстан Республикасындағы кедендік реттеу туралы» Қазақстан Республикасының Кодексі (бұдан әрі – Кодекс) 489-бабының 1), 2) және 4) тармақшаларында көзделген, кеден өкілдерінің тізіліміне енгізу шарттарының бұзылғанын анықтаған кезде;

3) осы Кодекстің 494-бабы 1-тармағының 4) тармақшасында көзделген міндет Кодекстің 86-бабының 4-тармағына және 137-бабының 

4-тармағына сәйкес кеден органы жіберген хабарламада көрсетілген мерзімде орындамалған не тиісінше орындалмаған кезде;

4) Кодекстің 494-бабы 1-тармағының 2) тармақшасында көзделген міндеттер орындалмаған жағдайда;

5)   кеден өкілі ретіндегі қызмет шеңберінде кеден өкілдерінің басшылары, бас бухгалтерлері болып табылатын жеке тұлғаларға қатысты 1997 жылғы 16 шілдедегі Казақстан Республикасы Қылмыстық кодексінің 209, 214 және 250-баптарына, сондай-ақ 2014 жылғы 3 шілдедегі Казақстан Республикасы Қылмыстық кодексінің 234, 236 және 286-баптарына сәйкес қылмыстық іс қозғау.